அறுசுவை அருஞ்சுவை (வகுப்பு 8 தமிழ் BT)

அறுசுவை அருஞ்சுவை

Anitha. V - SVVHSS, ERUTHENPATHY

• இனிப்பு, புளிப்பு, உவர்ப்பு, கசப்பு , கார்ப்பு, துவர்ப்பு என சுவைகள் ஆறு வகைப்படும்.
• இரத்தம், தசை, கொழுப்பு , எலும்பு, நரம்பு, உமிழ்நீர், மூளை ஆகிய ஏழு தாதுக்களால் கொண்டு யாக்கப்பட்டது மனித உடல்.
• ஏழாவது தாதுவான மூளை சரிவர இயங்க, முதல் ஆறு தாதுக்கள் தகுந்த அளவில் இருத்தல் வேண்டும்.
• ஆறு தாதுக்களும் ஆறு சுவைகளுடன் தொடர்புபடுத்தப்பட்டுள்ளது.

துவர்ப்பு	இரத்தத்தைப் பெருக்குகின்றது
இனிப்பு	தசையை வளர்க்கின்றது
புளிப்பு	கொழுப்பினை வழங்குகின்றது
கார்ப்பு	எலும்புகளை வளர்க்கின்றது
கசப்பு	நரம்புகளைப் பலப்படுத்துகின்றது
உவர்ப்பு	உமிழ்நீரைச் சுரக்கச் செய்கின்றது

துவர்ப்புச் சுவை - நன்மைகள் :

• அதிக வியர்வையைக் கட்டுப்படுத்தும்.
• இரத்தப் போக்கினைக் குறைக்கும்.
• வயிற்றுப் போக்கினைச் சரி செய்யும்.

அதிகமாயின் தீமைகள் :

• இளமையில் முதுமை தோற்றம்.
• வாய் உலர்ந்து போகும் .
• சரளமாகப் பேசுவது பாதிக்கும்.
• வாத நோய்கள் தோன்றும்.

துவர்ப்புச் சுவைப் பொருட்கள் :

• வாழைக்காய், மாதுளை, மாவடு, அவரை, அத்திக்காய்.

இனிப்புச்சுவை - நன்மைகள் :

• மனதிற்கும் உடலுக்கும் உடனடி உற்சாகம் தரும் .
•  குழந்தைகளின் வளர்ச்சிக்கு மிகவும் உதவும்.

அதிகமாயின் தீமைகள் :

• உடல் தளர்வு, சோர்வு ,அதிகத் தூக்கம், இருமல், உடல் எடை கூடுதல்.

இனிப்புச்சுவைப் பொருட்கள் :

•  பழவகைகள் ,உருளை, காரட் போன்ற கிழங்கு வகைகள்,  அரிசி ,கோதுமை போன்ற  தானியங்கள் கரும்பு போன்ற தண்டு வகைத் தாவரங்கள்.

புளிப்புச்சுவை - நன்மைகள் :

• பசியுணர்வைத்  துண்டும்.
• நரம்புகளை வலுப்பெறச் செய்யும். 
• இதயத்திற்கும் செரிமானத்திற்கும் நல்லது.

அதிகமாயின் தீமைகள் :

• தாக உணர்வு அதிகரிக்கும்.
• பற்கள் பாதிக்கப்படும்
• இரத்தக் கொதிப்பு ,அரிப்பு போன்ற தொந்தரவுகள் தரும். 
• உடலைத் தளரச் செய்யும்.

புளிப்புச்சுவைப் பொருட்கள் :

• எலுமிச்சை, புளித்தகீரை, தக்காளி ,புளி, மாங்காய், தயிர், மோர், நார்த்தங்காய், இட்லி, தோசை.

காரச்சுவை - நன்மைகள் :

• பசியுணர்வைத் தூண்டும்.
• செரிமானத்திற்கு உதவும்.
• உடல் இளைக்கச் செய்யும்.
• உடலில் உள்ள அதிக்கப்படியான நீரை வெளியேற்றும்.
• இரத்தம் சுத்திகரிக்கும்.
• தோல் நோயாளிகளுக்கு நல்ல பலன் தரும்.

அதிகமாயின் தீமைகள் :

• உடல் எரிச்சல் ஏற்படும் .
• உடல் சூடு அதிகரிக்கும் .
• வியர்வை அதிகம் சுரக்கும்.
• குடல் புண்கள் தோன்ற அதிக வாய்ப்பு.

காரச்சுவைப் பொருட்கள் :

• வெங்காயம், மிளகாய், இஞ்சி, பூண்டு, மிளகு, கடுகு.

கசப்புச்சுவை - நன்மைகள் :

• தாக உணர்வைக் கட்டுப்படுத்தும் .
• உடல் எரிச்சல் அரிப்புகளில் இருந்து நிவாரணம் தரும் .
• காய்ச்சல் தணியும்.
• இரத்தச் சுத்திகரிப்பு செய்யும்.
• நோய் எதிர்ப்புச் சக்தியாகச் செயல்படும்.

அதிகமாயின் தீமைகள் :

• உடலில் நீர் குறைந்துப் போகச் செய்யும்.
• மேனி வறண்டு கடினத்தன்மைத் தோன்றும்.
• எலும்புகளைப் பாதிக்கும் .
• அடிக்கடி மயக்கம் உண்டாகும்.
• உச்சகட்டமாய் சுயநினைவற்ற நிலைக்குச் செல்ல வழிவகுக்கும்.

கசப்புச்சுவை பொருட்கள் :

• பாகற்காய், சுண்டக்காய், கத்தரிக்காய், வெந்தயம், பூண்டு, எள், வேப்பம்பூ, ஓமம்.

உவர்ப்புச்சுவை - நன்மைகள் :

• உமிழ்நீரை சுரக்கச் செய்யும்.
• மற்ற சுவைகளைச் சமன் செய்யும்.
• உணவு செரிமானத்தில்பங்கு வகிக்கும்.

அதிகமாயின் தீமைகள் :

• தோல் தளர்வினை உண்டுவித்து,
• சுருங்கிப் போகச் செய்யும்.
• தோல் வியாதிகள் தோன்றச் செய்யும். *உடல் சூட்டினை அதிகப்படுத்திச் ,சிறு கட்டிகள் , பருக்கள் தோன்ற வழிவகுக்கும்.

உவர்ப்புச் சுவை பொருட்கள் :

• கீரைத்தண்டு, வாழைத்தண்டு, முள்ளங்கி, பூசணிக்காய் ,சுரைக்காய், பீர்க்கங்காய்.

வாழை இலையின் நன்மைகள் :

• பசியுணர்வைத் தூண்டும்.
• தோல் பளபளக்கும்.
• மந்தம், வலிமைக்குறைவு , இளைப்பு போன்ற பாதிப்புகள் நீங்கும்.
• பித்தம் தணியும்.
• இளநரை வராமல் நீண்ட நாட்களுக்கு முடி கருப்பாக இருக்கும்
• இது ஒரு கிருமிநாசினி.
• பச்சையம் உணவை எளிதில் சீரணம் அடையச்செய்யும் .
• வயிற்றுப் புண்ணை ஆற்றும்.
• தீக்காயத்தின் அரிச்சலைப் குறைக்கும்.

பயிற்சி வினா - விடை : இங்கே சொடுக்கவும்